Чăваш Ене çĕнĕ «медпункт пазиксем» илсе килнĕ
ЧР Сывлăх сыхлав министерствин пресс-служби пĕлтернĕ тăрăх, республикăра сиплев-диагностика комплексĕллĕ куçса çÿрекен 5 ПАЗ автобус туяннă. Ун пек машина пурĕ 24 илме палăртнă.
Ĕнер, юпан 16-мĕшĕнче, республика Пуçлăхĕ вĕсемпе паллашнă. Чÿк уйăхĕн вĕçĕнче куçса çÿрекен мобильлĕ маммограф — КамАЗ машина — çитмелле.
Мобильлĕ ФАПсем энергетикăпа тивĕçтереççĕ. Фельдшерăн ĕç вырăнĕнче — компьютер, оргтехника, интернет. Вăл тухтăрпа çыхăнмалли мел пулĕ.
Çакăн пек ФАПсемпе малтанах сахал çын пурăнакан яллă районсене — Етĕрне, Çĕрпÿ, Канаш, Сĕнтĕрвăрри, Çĕмĕрле — тивĕçтерĕç.
www.hypar.ru
Елена ЛУКИНА. Cap.ru сăн ÿкерчĕкĕ