Етĕрнере чирлисем йышлă
26.05.2020
Етĕрне хула тата Етĕрне район администрацийĕн пуçлăхĕсем ĕçрен хăтарма ыйтса заявлени çырнă. Муниципалитетра коронавирус чирĕпе чирлекенсен йышĕ палăрмаллах пысăк пулнипе çыхăннă ку. Чăваш Республикин Пуçлăхĕн тивĕçĕсене вăхăтлăх пурнăçлакан Олег Николаев çакна муниципалитет ертӳçисем лару-тăрăва сăнаса тăманнипе, ăна лайăхлатас тесе нимĕн те туманнипе сăлтавларĕ. Коронавируспа кĕрешес тĕллевпе йĕркеленĕ оперативлă штабăн ĕç ушкăнĕ паян Етĕрне районĕнче пулчĕ.