Хисепе тивĕç тухтăр
04.02.2022
Çĕр çинчи чи сăваплă профессие суйласа илсе чуна парса тăрăшнă çынсенчен пĕри - республикăри кардиодиспансер тухтăрĕ Владимир Бушуев. 41 çул вăл çынсен сывлăхне çирĕплетессишĕн тăрăшнă. 34 çул республикăри кардиодиспансерта вăй хунă. Пĕлтĕр вăл тивĕçлĕ канăва тухнă. Чунĕ ĕçе туртнипе, ĕçтешĕсем ыйтнипе Владимир Бушуев шур халата тепĕр хутчен тăхăннă, халĕ вăл УЗИ тăвакан тухтăр пулса ĕçлет.