Васкавлă пулăшăвăн хĕрӳ линийĕ Раççейре кăларнă программа çине куçнă. Хальлĕхе ăна тĕрĕслеççĕ. Çĕнĕ программа малтан усă курнинчен аванрах пулнине палăртаççĕ ăна хатĕрлекенсем. ВАЛЕНТИНА ТЕЛЬЦОВА: «Паянхи кун 122 хĕрӳ йĕрĕ çинче ĕçлекен операторсем валли информаци технологилле центрĕн ĕçченĕсем çĕнĕ верси йĕркелесе пыраççĕ. Çак çĕнĕ «Астра Линукс» ятлă Раççейре кăларакан операци системипе калаçăва çырса пыма пулать тата çĕнĕрен итлеме пулать». Асăннă çĕнĕлĕхсем операторсен ĕçне ансатлатмалла. Сăмахран, çĕнĕ программăна кашни çын хăйне кирлĕ пек усă курма пултарать. Шăнкăрав татăлса кайсан каялла шăнкăравлама пулать. Йывăрлăх сиксе тухсан шăнкăрав вăхăтĕнчех канаш ыйтма е тепĕр тытăма куçарма, тепĕр çынна хутшăнтарма май пур